THE OATH OF THE PEOPLE OF OGU

THE OATH OF THE PEOPLE OF OGU

OGUAPU TAMUNO NA FI PBOKU

(The solemn promises of the people of Ogu to God)

1.  Mimgba ene a Tamuno be na fi borosa oboku me nwo mie kuro ma bu a-now beabe na.

2.  Iri, ………… (add your name here) Tamuno be na, Ogu-Ama mi na torokubu bupikima piki karifisam na, iya miemieye bu, anikanika dumokon bara bu, Ogu-Ama mi kanbia ye anikanika ani tungbo ma bia ye a nwo mie eke.

3.  Na Tamuno Nyanabo Be se ama mi temeso mi a nwo mie irimaeke iya dumo ene mamgba bu.

4.  Mimgba ene mi bie, a piki Nyanabo Be okwein mi bu yekarifi piki bupikimabe na Ogu-ama mi be deinma mi bufukama bia ye a nwo mie-ke: ani iri ngeribo barabu, anikanika ogbo ton bu, ani boro tomoni torukubu bu, anikanika boima bu, ani boro iya jukuru bie-o, anikanika ikubie-waribie so.

5.  Mimi fieabe na, ineda fin na fa na okibo Ogu-ama mi anikanika Oguobo anikika Ogu-ama bie anga jin-amabo piribia ye, ari ibara se chueke:

6.  Ma ye ma ani boro wari kain na dokima na, ngo kain na dokima na, alagba na kingi na deki, anikanika, ye se I juo Oguobo lamabiaye.

7.  A piki yekarifi se bupikimame na ari nongo mie anikanika Ama bie sime ikiapu anikanika, ogbo nwo chinbo okosime ye nwo mie-ke.

8.  A nemikase mi yekarifi na bupikima nab u bikime bebe ari iu se Tamuno igani mi pirime.

9.  Ye Ogu teme Tamuno barachua ipiri, Tamuno Dabo Be na, Tamuno Toku Be na piki Tamuno Fiafia Teme Be na Ere bu. Aniokosime. Amen.